UYvonne Vera wathola umklomelo wakuqala owabakoMacmillan obizwa ngokuthi Macmillan Writer´s Prize ngogwalo The Stone Virgins (Izintombi Zamatshe Ezimsulwa). Ngomnyaka ka 1999, uVera wathola umvuzo ophiwa ngabeSweden owaziwa ngokuthi `Voice of Africa´. Ngomnyaka ka 1997, inoveli yakhe ethiwa Under the Tongue yathola umvuzo othiwa Commonwealth Writer´s Prize, Africa Region. Waphinda waphiwa umvuzo othiwa Zimbabwe Publisher´s Literary Award ngokuba lenoveli ebhalwe kuhle ukwedlula wonke ngomnyaka ka 1996 loka 1997.

UVera ungumlobi wamanoveli athi: Butterfly Burning, Without a Name loNehanda. Ingwalo zakhe zidindwe eNew York nguFarrar, uStraus loGiroux.

Iqoqo lakhe lezindatshana ezimfitshane lilesihloko esithi: Why Don´t You Carve Other Animals.

Ungumhleli wogwalo oluthiwa Opening Spaces – iqoqo lemibhalo yakulezi insuku elotshwe ngabesifazana e-Afrika, yadindwa ngabe Heinemann, U.K.

Imibhalo yakhe seyaguqulelwa endimini ezinengi ezigoqela: isiJelimani, isiPanishi, isiCatalan, isiTaliyana, isiSwidi, isiDatshi, isiDenishi, isiFinishi, lesiNowijeni.

UYvonne Vera uyisikhwicamfundo esileziqu zobudokotela ezeYork University ekweleCanada. Wasebenza enguMqondisi weNational Gallery eyeZimbabwe koBulawayo. Watshona ngomnyaka ka 2005.